Negreyraning o'g'li "Barselona" unga hakamlarni kuzatib borish uchun pul to'laganini tan oldi

Texnik hakamlar qo'mitasi sobiq vitse-prezidenti Xose Mariya Enrikes Negreyraning o'g'li Xaver Enrikes Romero IRS'ga "Barselona" unga deyarli har hafta hakamlar brigadalarini o'yinlarni boshqarish uchun Barselonaga kuzatib qo'yishi uchun pul to'laganini tan oldi, deb xabar berdi El Confidential.

Manbaga ko'ra, Romero kompaniyalaridan biri Soccercam SL soliq idorasiga ushbu va boshqa shunga o'xshash xizmatlar bilan bog'liq 96 604,49 evro miqdoridagi xarajatlarni taqdim etgan. Enrikes Romeroning ta'kidlashicha, "Barsa"dan olingan bu mablag' hakamlarga hamrohlik qilish uchun ovqat, mashina ijarasi, jamoat transporti va mehmondo'stlik uchun sarflangan.

Shunday qilib, Negreyraning o'g'li "Barselona"dan olgan pulining hech bo'lmaganda bir qismi kataloniyaliklarning o'yinlarini boshqargan hakamlarga ketganini tan oldi.

15 fevral kuni “Barselona” o'sha paytda Ispaniya Qirollik futbol federatsiyasi hakamlar texnik qo'mitasi vitse-prezidenti lavozimida ishlagan Negreiraga tegishli DASNIL 95 kompaniyasiga 1,4 million evro to'lagani xabar qilingandi.