Rivaldo: «Neymar, «Barselona» muxlislaridan uzr so'ra!»

"Barselona" klubi sobiq futbolchisi Rivaldo Neymarning "ko'k-anorranglilar" safiga qaytishi mumkinligi haqidagi xabarlarga o'z munosabatini bildirib o'tdi.

"Neymar "Barselona" muxlislaridan uzr so'ragan holda, faqatgina bu jamoa safida o'zining eng yaxshi o'yinini namoyish qilish mumkinligini tan olishi lozim. Futbolchi shunday qilsa, "Barsa" fanatlari uni xursandchilik bilan qabul qilishadi.

Ha, bu transfer amalga oshishi uchun uning maoshi kamayishi kerak. Ammo moliyaviy tomondan yo'qotish bunga arziydi. Boisi, u maydonda ham, maydon tashqarisida ham o'zini baxtli his qila boshlaydi.

Neymar "Barselona"da faoliyatidagi eng yaxshi o'yinni namoyish qildi va yuqori sovrinlarni qo'lga kiritdi", – dedi Rivaldo.