Xavining shaxsan o'zi Messi bilan muzokaralarda ishtirok etadi

Lionel Messi kelasi yozda "Barselona"ga qaytishi mumkin. Kataloniya klubi va argentinalik yulduz o'rtasidagi muzokaralar shu hafta boshlanishi kerak. Jurnalist Veronika Brunatining ijtimoiy tarmoqlarda xabar berishicha, muzokaralar jarayonida "ko'k-anorranglilar" bosh murabbiyi Xavi ishtirok etadi.

Avvalroq matbuotda Xavi Messi bilan aloqada bo'lgani va uni "Kamp Nou"ga qaytishga ishontirmoqchi ekanligi haqida ma'lumotlar paydo bo'lgandi.

Lionel Messi 2021 yilning yozida “Barselona”ni tark etgan edi. O'shanda Kataloniya klubi jiddiy moliyaviy qiyinchiliklar tufayli hujumchiga yangi shartnoma taklif qila olmagandi.