"Chelsi" "Real" bilan bo'ladigan o'yingacha yangi bosh murabbiyni e'lon qilmoqchi

The Times nashri xabariga ko'ra, "Chelsi" Grem Potter ishdan bo'shatilgandan so'ng, zudlik bilan yangi murabbiy tayinlamoqchi.

Shu tariqa, "Chelsi" rahbariyati 12 aprel kuni "Real"ga qarshi Chempionlar ligasining chorak finali dastlabki uchrashuvigacha yangi bosh murabbiyni e'lon qilmoqchi.

Klub 4-5 nafar nomzodni ko'rib chiqmoqda, Yulian Nagelsmann esa asosiy da'vogar bo'lib qolmoqda. To'g'ri, avvalroq nemis OAVlari 35 yoshli murabbiy "Bavariya"dan haydalgach, mavsum oxirigacha dam olishni xohlayotgani haqida xabar bergan edi.

Boshqa nomzodlar orasida Mauritsio Pochettino, Zinedin Zidan va Luis Enrike ham bor.