"Barselona" Olmodan "Leyptsig" bilan yangi shartnoma imzolamasligini so'radi

"Leyptsig" yarim himoyachisi Dani Olmo yozda "Barselona"ga o'tishi mumkin.

Mundo Deportivo xabariga ko'ra, Kataloniya klubi 24 yoshli futbolchidan "Leyptsig" bilan 2024 yilning yozida tugaydigan shartnomasini uzaytirmaslikni so'ragan.

Manba bergan xabarga ko'ra, futbolchining vakillari va "Barselona" xodimlari o'rtasida uchrashuv bo'lib o'tgan va unda "ko'k-anorranglilar" futbolchi bilan tekinga shartnoma imzolash istagini bildirishgan. Xabarlarga ko'ra, "Barselona" bosh murabbiyi Xavi Ernandes ushbu transfer tarafdori.

Olmo xizmatlariga kataloniyaliklardan tashqari "Real" va "Bavariya" ham qiziqish bildirmoqda.

Olmo joriy mavsumda barcha turnirlarda 20 ta o'yinda maydonga tushib, 4 ta gol urdi va 6 ta golli uzatmani amalga oshirdi. Futbolchining transfer narxi 40 million evroga baholanmoqda.