Modrich: "Faoliyatimni "Real"da yakunlasam ajoyib bo'lardi"

Yarim himoyachi Luka Modrich "Real"da o'ynashni davom ettirishga qaror qildi va buni takrorlashdan charchamaydi.

Xorvatiyalikning amaldagi shartnomasi joriy mavsum oxirigacha mo'ljallangan va barchasi tomonlarning yangi shartnoma imzolashiga bog'liq.

"Faoliyatimni "Real"da yakunlamoqchiman, bu ajoyib bo'lardi. Ko'ramiz", - dedi 37 yoshli Modrich.

Luka Modrich "Tottenxem"dan transfer qilinganidan so'ng 2012 yilning yozidan beri "Real"da o'ynamoqda. Hammasi bo'lib xorvat Madrid klubi safida 473 ta o'yin o'tkazib, 37 ta gol urgan va 76 ta golli uzatmani hamkorlariga bergan.