Nagelsmann "Tottenxem"ni boshqarishga tayyor

Germaniyalik mutaxassis Yulian Nagelsmann “Tottenxem”ni boshqarishga tayyor, deb xabar beradi Sky Sports.

Manbaning xabariga ko'ra, 35 yoshli murabbiy ingliz klubi bilan muzokaralarga ochiq. Ammo, aftidan, Nagelsmann dam olish uchun qisqa tanaffus qilishni afzal ko'rardi.

"Shporlar"da shartnomasi 2023 yilning yozida tugaydigan jamoaning amaldagi bosh murabbiyi Antonio Kontening kelajagi borasida noaniqlik bor.

24 mart kuni "Bavariya" Nagelsmanning ketishini e'lon qildi. Uning o'rnini Tomas Tuxel egalladi va u klub bilan 2025 yilning yoziga qadar shartnoma imzoladi.

Nagelsmann nemis klubini 2021 yilning iyulidan buyon boshqarib kelayotgan edi. Mutaxassis rahbarligida myunxenliklar 2021/22 yilgi mavsumda Germaniya chempioni bo'ldi va ikki marta mamlakat Superkubogini qo'lga kiritdi.