Ronaldu o'z rekordini o'zi yangilab bormoqda

Portugaliyalik hujumchi Krishtianu Ronaldu Lixtenshteynga qarshi o'yinda dubl qayd etdi. Uning jamoasi Evropa chempionati saralash bosqichini 4:0 hisobidagi g'alaba bilan boshladi.

Gollardan biri penaltidan kiritildi. Natijada Ronalduning gollari soni 120 taga etdi - u futbol tarixidagi rekord darajadagi natijani qayd etishda davom etmoqda.

Eslatib o'tamiz, Ronaldu o'z mamlakati terma jamoasidagi debyutini 2003 yilda o'tkazgan va Qatarda u futbol tarixidagi beshta jahon chempionatlarida - 2006, 2010, 2014, 2018 va 2022 yillarda gol urgan birinchi futbolchiga aylandi.