Nevesh "Manchester Yunayted" va "Liverpul" o'rtasida tanlov qiladi

Portugaliyalik yarim himoyachi Ruben Nevesh klubini o'zgartirishga qiziqmoqda. 26 yoshli yarim himoyachi joriy mavsum oxirida "Vulverxempton"ni tark etmoqchi.

Football Insider xabariga ko'ra, futbolchi faoliyatini davom ettirish uchun ikkita variantni ko'rib chiqmoqda. Neveshning potentsial ish beruvchilari orasida "Manchester Yunayted" va "Liverpul" bor. Har ikki klub ham yozgi transfer oynasida Rubenni sotib olmoqchi.

Portugaliyalik futbolchi joriy mavsum “bo'rilar” safida 33 ta o'yinda maydonga tushib, 5 ta gol urishga erishdi. Yarim himoyachining amaldagi klubi bilan amaldagi shartnomasi 2024 yilning o'rtalariga qadar tuzilgan.