«Nottingem Forest» Lodini sotib olishga shoshilmaydi

«Nottingem Forest» hozirda «Atletiko Madrid»dan ijaraga olingan himoyachi Renan Lodini sotib olmoqchi emas.

Jurnalist Matteo Morettoning so'zlariga ko'ra, «O'rmonchilar» hali 30 million evroni to'lashga qodir emaslar.

Lodi hali bu mavsumdagi o'yinlari bilan «Nottingem Forest»ni hayratda qoldirmadi. Avvalroq, Lodi endi «Atletiko»ga qaytish niyatida emasligi xabar qilingandi.

Renan joriy mavsum Premer-ligada 19 ta o'yinda maydonga tushib, gol urmagan. U Braziliya terma jamoasining Qatarda bo'lib o'tgan jahon chempionati uchun qaydnomasiga kiritilmagan edi.