Superkompyuter Evropa ligasi g'olibini taxmin qildi. "Arsenal"dan keyin favorit nomi o'zgardi

"Manchester Yunayted" Evropa ligasida zafar quchadi. Buni superkompyuter taxmin qilmoqda. Juma kuni o'tkazilgan qur'a natijalariga ko'ra, "qizil iblislar" uchun raqib sifatida "Sevilya" paydo bo'ldi. Erik ten Xag shogirdlari keyingi bosqichga "Real Betis"ni, umumiy 5-1 hisobida mag'lub etib, yo'l olgandi. Shuni ham ta'kidlash joizki, "MYu"ning "Sevilya" bilan bahsi, jamoa uchun bu mavsumdagi 4 ispan jamoasiga qarshi uchrashuv bo'ladi. Ammo, nima bo'lishidan qat'iy nazar superkompyuter "Manchester Yunayted"ni musobaqa g'olibi bo'lishiga ishonmoqda.

Ingliz gigantining bo'lajak raqibi La-ligada ancha qiyin davrni boshdan kechirmoqda. "Sevilya"ning ayni damdagi o'rni 13 pog'onada bo'lib turibdi. Andalusiyaliklar 25 ta liga o'yinidan 7 tasini g'alaba bilan yakunlagan xolos. "MYu"da esa hammasi teskarisi. Ya'ni ligadagi o'rin borasida mankunianliklarning ishlari joyida. Shu sababdan superkompyuter "MYu" uchun 24 foiz g'olib bo'lish ehtimolini taqdim etdi.

Nemis klubi bo'lmish "Bayer Leverkuzen" chorak-finallarda "Yunion Sent-Jilluaz" bilan to'qnash keladi va ularda 17 foiz g'olib bo'lish ehtimoli mavjud. Bu borada "Bayer 04" ikkinchi o'rinni egallab turibdi. O'z navbatida ularning raqibi qolgan sakkiz jamoaning ichida eng kam g'olib bo'lish ehtimoliga ega.
Eng qizig'i, ushbu turnirning eng ko'p, 6 marta g'olibi bo'lga "Sevilya" 7 o'rinda qayd etiladi. Hisob-kitoblarga ko'ra, "Yuventus" va "Sporting"da bir xil, 13 foizlik imkoniyat mavjud bo'ladi.

Yana bir chorak-final juftligi bo'lgan "Feyenoord" va "Roma"ga mos ravishda 14 va 11 foiz g'oliblik ehtimoli taqdim etiladi.
Eslatib o'tamiz, "Manchester Yunayted" "Sevilya" to'sig'ini engib o'tsa, yarim-finalda uning raqibi "Yuventus" yoki "Sporting" bo'ladi. Ikkinchi yarim-finallar esa "Feyenoord"-"Roma" hamda "Bayer Leverkuzen"-"Yunion" juftliklari g'olibi o'rtasida bo'lib o'tadi.

 

 

ISMATOV J.

Manba: thesun.co.uk