Nyu-Deli-2023. O'zbekistonlik bokschilarda 2 g'alaba va bir mag'lubiyat

Hindistonning Nyu-Deli shahrida boks bo'yicha ayollar o'rtasidagi Jahon chempionatining ikkinchi kungi bahslari 17 mart, juma kuni bo'lib o'tdi.

Kun davomida uch nafar o'zbekistonlik bokschilar ringga ko'tarildi. Ulardan ikki nafari g'alaba qozongan bo'lsa, yana bir bokschi mag'lubiyatga uchrab, musobaqani tark etdi.

-63 kg vazn toifasida Hadichabonu Abdullaeva Alesha Jekmanni (Gayana) 2-raundda nokautga uchratdi. -75 kg vazn toifasida Sohiba Ro'zmetova vetnamlik Kun Diem ustidan 5:0 hisobida g'alaba qozondi.

-60 kg vazn toifasida Sitora Turdibekova qozog'intonlik Rimma Volassenkoga imkoniyatni boy berib qo'ydi — 3:4.

Eslatib o'tamiz, birinchi kungi bahslarda Feruza Kazakova g'alaba qozonib, keyingi bosqichga yo'l olgandi, Mahliyo Habibullaeva esa avstraliyalik raqibiga mag'lub bo'lgandi.

Manba: daryo.uz