"Borussiya" futbolchisi: "PSJ" - zo'r futbolchilar o'ynaydigan klub"

Menxengladbaxning "Borussiya" klubi yarim himoyachisi Kaudio Kone "PSJ" tomonidan bo'lgan qiziqish haqida fikr bildirdi va u klubni buyuk futbolchilar bilan birga rivojlanish uchun ajoyib imkoniyat deb bilishini aytdi.

"PSJ" qiziqyapti? Bu zavq bag'ishlaydi. Men parijlikman. Bu Chempionlar ligasida o'ynaydigan ajoyib klub. Haqiqatan ham zo'r o'yinchilar o'ynaydigan klub, uning yonida siz faqat oldinga siljishingiz mumkin. Keling, nima bo'lishini ko'ramiz, men professional bo'lishim kerak", - dedi Kone Telefoot bilan suhbatda.

21 yoshli Kone joriy mavsumda "Borussiya" safida barcha turnirlar doirasida 23 ta o'yinda maydonga tushib, 1 ta gol va bitta golli uzatmani amalga oshirdi. Avvalroq, Frantsiya OAVlari unga "PSJ" tomonidan qiziqish bildirilayotgani haqida xabarlar tarqalgandi.