Suares Neymar nima uchun "Oltin to'p"ni qo'lga kiritmaganini aytdi

“Gremio” hujumchisi Luis Suares “PSJ” hujumchisi Neymarning “Oltin to'p”ni qo'lga kirita olmagani sababini aytdi.

Lionel Messi, Suares va Neymar 2014 yildan 2017 yilgacha "Barselona"da birga o'ynashgan.

"Men va Messi uni qolishga ko'ndirgandik, biz bilan hamma narsada g'alaba qozongan bo'lardi. Ammo shunday muhit borki, uni nazorat qilib bo'lmaydi. Balki hozir qattiq so'zlar aytaman, lekin Neymar "Barselona"da qolganida, "Oltin to'p"ni albatta yutgan bo'lardi. Ammo bu mening fikrim", - deya Suaresning so'zlarini keltiradi Plakar nashri.

Neymar 2017 yilda 222 million evro evaziga "PSJ"ga o'tgan edi. Braziliyalik va parijliklar o'rtasidagi amaldagi kelishuv 2025 yilning yoziga qadar tuzilgan.