De Yong Gollandiya nega Portugaliyaga yutqazganini aytdi

Gollandiya terma jamoasi yarim himoyachisi Frenki de Yong Millatlar Ligasi finalida jamoasi nega Portugaliyaga yutqazganini aytdi.

— Qachonki sovrin yutishga bir qadam qolganida shu sovrin seniki bo'lishini juda istaysan. Biz eng yaxshi o'yinimizni o'tkazdik, deb ayta olmayman, ammo xalqaro maydondagi turnirlarda ishtirok etish borasida tajriba oshirdik. Hujum uyushtirishda oqsadik, Angliyaga qarshi o'yinda ko'p kuch yutqazganimiz ham mag'lubiyatga sabab bo'ldi. Ammo buni bahona qilish yaramaydi, — dedi de Yong.   Eslatib o'tamiz, bugun yakuniga etgan finalda siz suratda ko'rib turgan futbolchi — Gedeshning goli Portugaliyani chempionga aylantirdi.