Transfer olamidagi so'nggi yangiliklar

Hozirda futbolchilarning u klubdan bu klubga o'tishi borasidagi mish-mishlar tobora avj olmoqda. Bugun ishonchli manbaalarga tayangan holda, eng so'nggi transfer yangiliklari bilan sizlarni tanishtirib o'tamiz.

«Milan» iqtidorli futbolchini sotib yuborish maqsadida

«Le Gazetta Dello Sport» nashrining xabar bericha, «Milan» Kessie bilan muammolarini hal qila olmadi. Uni tarkibida ushlab qolishni uddasidan chiqa olmagach,  transferga qo'ydi. Hozirda klub rahbarlari va futbolchining munosabatlari anchagina keskinlashgan. «Milan» o'z futbolchisi uchun 30 million atrofida undirib olish niyyatida. Hozircha haridorlardan darak yo'q!

«Atletiko Madrid»ga Albaniyalik futbolchi kerak

«Xindu»lar «Napoli» safida omadli to'p surayotgan Elsaid Xisayni anchadan beri kuzatib yurishganidan xababringiz bo'lsa kerak. Albaniyalik himoyachi o'z pozitsiyasida juda ishonchli o'yin ko'rsatmoqda. U «Atletiko Madrid» klubidan tashqari «Yuventus», «Milan», «Inter» singari grandlarning e'tibor markazida turibdi. “Bugun «Atletiko Madrid» 25 yoshlik futbolchi uchun «Napoli»ga 18 million taklif qildi”, - deb yozmoqda «Marca» nashri. Bu rasmiy taklifga «Napoli» klubi rad javobini berdi va futbolchi 25 milliondan kamiga sotilmasligini e'lon qildi. «Atletiko Madrid» futbolchi uchun bundan ortiqroq berishi ham mumkin, biroq Xesaynning o'zi klubdan ketishni juda istayotganligidan unumli foydalanib qolish niyyatida. Shunday bo'lsada, bu transfer amalga oshadigan bo'lsa, «Atletiko Madrid»ning himoyasini sezilarli darajada kuchayib olishini ta'minlashi aniq.

«Barselona» katta qadam tashlamoqchi

Bundan biroz avval Markus Reshfordning klub bilan yangi shartnoma tuzishdan bosh  tortgani to'g'risida e'lon qilgan edik. Hozirda uning atrofida bir nechta kuchli klublar aylanib yurishganini e'tirof etish zarur. «Manchester Yunayted» futbolchisi jamoasining statusi sezilarli darajada tushib ketganidan norozi ekanligini yashirib o'tirmayapti. Boz ustiga yangi mavsumda YChLsiz qolishga majbur bo'lgan «Manchester Yunayted»ning kelajagi biroz tumanli ko'rinmoqda. Futbolchining alg'ov-dalg'ov holatidan «Barselona» unumli foydalanishi mumkin. Sababi, «Ernesto Valverde Messi va Suarez bilan hujumda harakat qilishi kutilayotgan 3-hujumchi sifatida aynan Reshfordni ko'rmoqda» deb yozmoqda «Soccer.ru» nashri.  Manbaada aytilishicha «Barselona» Grizman variyantidan ham ayni Reshford sababli voz kechgan.

De Ligt uchun kurash avjiga chiqdi

Futbolchi uchun asosiy da'vogar bo'lib turgan «Barselona» «Ayaks» klubiga himoyachi uchun 75 million, futbolchiga yiliga 7 million evro maosh taklif etgan edi. Bu tanlovdagi ayrim kamomatdan ko'ngli to'lmagan futbolchining agenti biroz vaziyatni paysalga solayotganidan unumli foydalangan «PSJ»  «Ayaks» uchun 80 million, himoyachiga yiliga 15 million maosh belgilangan 5 yillik shartnoma taklif etdi. Bundan tashqari, agar kelishuv amalga oshsa, klub Mino Rayola uchun alohida 10 million ajratishini ham ma'lum qildi. «PSJ» De Ligt uchun Katoloniya klubidan ikki barobar ko'proq maosh taklif etdi va bu  futbolchini o'ylantirib qo'ydi. Hozirda Mino Rayola o'z mijoziga «PSJ»ning ustun tomonlarini tushuntirish bilan ovvora bo'lsa, ajab emas!

Adnan Yanuzay «Milan» e'tiborida

“Belgiyalik futbolchi «Milan»ning shortlistining eng yuqori  pog'onasida turibdi”, -  deb  xabar bermoqda «Le Gazetta Dello Sport» nashri. «Milan» «Real Sosiedad» futbolchisini bundan 2 yil avval ham qo'lga kiritish uchun urunib ko'rgan edi. Hozirda futbolchiga «Milan» klubidan tashqari  «Lester» jamoasidan ham jiddiy takliflar tushgan. Yanuzayning o'zi «Real Sosiedad»da qolishni istayotganini, biroq kuchliroq klubdan taklif tushsa, albatta o'ylab ko'rishini aytib o'tgan edi.