Neymarning o'rniga Villian Braziliya termasiga chaqirildi

"Chelsi" yarim himoyachisi Villian Amerika kubogi-2019da ishtirok etish uchun Braziliya terma jamoasi taklif etildi. Bu haqda Braziliya futbol federatsiyasi rasmiy sayti xabar tarqatdi.

Futbolchi Qatarga qarshi o'yinda jarohat olgan Neymarning o'rniga terma jamoa chaqirtirildi. Eslatib o'tamiz, Kopa Amerika musobaqasi 14 iyundan 7 iyulga qadar Braziliyada bo'lib o'tadi. Braziliyaliklar "A" guruhida Venesuela, Peru va Boliviyaga qarshi bahs olib borishadi.

30 yoshli Villian ushbu mavsumda "Chelsi" safida barcha musobaqalar doirasida 56ta o'yinda maydonga tushib, ularda 8ta gol urdi va 14ta golga uzatma berdi.