Ektor Kuper: «Bugungi o'yin uchun ball qo'ymagan bo'lardim»

O'zbekiston – KXDR o'rtasidagi o'rtoqlik uchrashuvidan (4:0) so'ng, mezbonlar ustozi urugvaylik Ektor Kuper matbuot anjumanida ishtirok etdi.

“Meni xursand qilgan tomoni yangi futbolchilarni kuzatib oldik. Men bugungi o'yinda futbolchilarimning harakatidan qoniqdim. Shuningdek, yangi futbolchilar natijaga ham o'z tasiri ko'rsatishdi. Bunday o'rtoqlik o'yinlarini o'tkazishdan maqsad yangi futbolchilarni sinab olish. Ammo natija meni alday olmaydi.

Stadion.uz jurnalisti Yahyoxo'ja Ulug'ho'jaev: “Bugungi o'yindan kelib chiqib 10 ballik tizimda mazkur bahsga necha ball qo'ygan bo'lardingiz”

“Raqiblarni kuchli yoki kuchsiz deb ajratish… Lekin, bizni ham taqqoslashadi. Bilmayman, bu o'yin uchun nechchi bal qo'yaman. Ammo, men bugun mamnunman. Futbolchilar bugun mas'uliyatni his qilgan holda harakat qilishdi. Agar bugun yutmaganimizda nima bo'lardi? Buni barchamiz bilib turgandik. KXDR bizdan FIFA reytingida past bo'lgan terma jamoa. Shuning uchun bu o'yin uchun ball qo'ymagan bo'lardim”, – deya Kuper so'zlarini keltirmoqda Stadion.uz muxbiri.