Kvaratsxeliya, Mudrik va Shomurodov. Sobiq ittifoq mamlakatlarining eng qimmat futbolchilari (top-15)

Transfermarkt portali sobiq ittifoq mamlakatlari futbolchilarining reytingini tuzib chiqdi. Bunda o'yinchilarning ayni paytdagi transfer narxlari inobatga olingan.

Bunda 15ta mamlakatning eng qimmat futbolchisi ro'yxatga kiritilgan. Gruziya vakili Xvicha Kvaratsxeliya ushbu ro'yxatda 1-o'rinni egalladi. Uning narxi 60 million evroga teng. Ikkinchi pog'onani ukrainalik Maxail Mudrik (40 million evro) egallagan bo'lsa, Aleksandr Golovin kuchli uchlikka kirdi (Rossiya, 22 mln. evro).

O'zbekistonning eng qimmat futbolchisi bo'lgan Eldor Shomurodov esa reytingda 5-pog'onani egalladi. Uning narxi 7 million evro etib belgilangan.

1. Xvicha Kvaratsxeliya (Gruziya). Klubi - "Napoli". Narxi - 60 mln evro
2. Mixail Mudrik (Ukraina). Klubi - "Chelsi". Narxi - 40 mln evro
3. Aleksandr Golovin (Rossiya). Klubi - "Monako". Narxi - 22 mln evro
4. Eduard Spertsyan (Armaniston). Klubi - "Krasnodar". Narxi - 9 mln evro
5. Eldor Shomurodov (O'zbekiston). Klubi - "Spetsiya". Narxi - 7 mln evro
6. Baxtiyor Zaynutdinov (Qozog'iston). Klubi - TsSKA. Narxi - 5 mln evro
7. Oleg Ryabchuk (Moldova). Klubi - "Olimpiakos". Narxi - 4 mln evro
8. Raymonds Krollis (Latviya). Klubi - "Spetsiya". Narxi - 2,5 mln evro
9-10. Vitaliy Lisakovich (Belarus). Klubi - "Rubin". Narxi - 1,5 mln evro
9-10. Karl Xeyn (Estoniya). Klubi - "Arsenal" U-21. Narxi - 1,5 mln evro
11. Emin Mahmudov (Ozarboyjon). Klubi - "Neftchi". Narxi - 1,4 mln evro
12. Edgaras Utkus (Litva). Klubi - "Serkl Bryugge". Narxi - 800 ming evro
13-14. Valeriy Kichin (Qirg'iziston). Klubi - "Enisey". Narxi - 750 ming evro
13-14. Parvizjon Umarboev (Tojikiston). Klubi - TsSKA 1948. Narxi - 750 ming evro
15. Raxat Japarov (Turkmaniston). Erkin agent. Narxi - 250 ming evro