Bellingem yangi taklifni rad etmoqchi

Dortmundning “Borussiya” klubi yarim himoyachisi Jud Bellingem jamoani tark etishi mumkin.

Daily Star xabariga ko'ra, 19 yoshli futbolchi haftasiga 180 000 funt sterling (205 000 evro) maosh oladigan yangi shartnoma taklifini rad etmoqchi. Uni qo'lga kiritish uchun beshta klub davogarlik qilmoqda: "Manchester Siti", "Chelsi", "Manchester Yunayted", "Real Madrid" va "Liverpul".

Bellingem joriy mavsumda Dortmundliklar safida 23 ta o'yinda maydonga tushib, 10 ta gol urdi va 4 ta golga assistentlik qildi. Uning shartnomasi 2025 yilning yoziga qadar mo'ljallangan.

Transfermarkt portali futbolchini 110 million evroga baholamoqda.