Kimmix: "Agar xatoga yo'l qo'ymaganimda "Bavariya" g'alaba qozongan bo'lardi"

Myunxenning "Bavariya" klubi himoyachisi Joshua Kimmix Germaniya Bundesligasining 16-turida "Leyptsig"ga qarshi kechgan uchrashuv (1:1) natijasi haqida gapirdi.

"Bu teng kurash bo'ldi. Uchrashuvning birinchi bo'limida biz hujumda muvaffaqiyatga erishganimiz yo'q, ammo shunga qaramay biz ustunlikka loyiq edik. O'ylaymanki, agar mening xatom bo'lmaganida, "Bavariya" g'alaba qozongan bo'lardi. Umuman olganda, bu adolatli natija. Biz o'z yo'limizda davom etishimiz kerak", - dedi futbolchi klub matbuot xizmatiga.

Bundesliganing 16-turidan so'ng “Bavariya” 35 ochko jamg'arib, turnir jadvalida peshqadamlik qilmoqda.