«PSJ» Neymar bilan yangi shartnoma imzolamoqchi

«PSJ» klubi hujumchi Neymar bilan shartnomani uzaytirmoqchi. Bu haqda Sport.es xabar tarqatdi. Braziliyalik futbolchining amaldagi shartnomasi 2022 yilga qadar tuzilgan. Jamoa rahbariyati uni 2023 yilga uzaytirmoqchi.

Yangi shartnomada 27 yoshli futbolchining maoshi oshiriladi. Hozirda futbolchi yiliga 36,8 million evro maosh olmoqda.

«PSJ» Neymar bilan shartnoma uzaytirish orqali, uning boshqa jamoaga o'tishi mumkinligi haqidagi gap-so'zlarga chek qo'ymoqchi.

Bundan tashqari, klub xo'jayini Tamim bin Hamad ol-Soniy Neymar Qatarda o'tadigan JCh-2022da "PSJ" futbolchisi sifatida ishtirok etishini istamoqda.