Reshford "Man Yunayted"ning ketma-ket olti o'yinida gol urdi

"Manchester Yunayted" hujumchisi Markus Reshford ketma-ket oltinchi o'yinda gol urdi.

Angliyalik futbolchi 60-daqiqada zaxiradan maydonga tushgan Angliya Liga kubogida “Charlton”ga qarshi o'yinda dubl qayd etdi.

Hujumchining golli seriyasi 21 dekabr kuni "Byornli" bilan o'yinda (2:0) boshlangan. Umuman olganda, JCh-2022 uchun tanaffus tugagandan buyon Reshford oltita o'yinda ettita gol va ikkita golli uzatmani amalga oshirdi.

10 yanvardan 11 yanvarga o'tar kechasi Angliya Liga kubogi chorak finali doirasidagi o'yin bo'lib o'tdi va unda "Manchester Yunayted" hamda "Charlton Atletik" klublari to'qnash kelishdi. O'yin Toshkent vaqti bilan 01:00da boshlandi. “Manchester Yunayted” 3:0 hisobida g'alaba qozonib, musobaqaning yarim finaliga yo'l oldi.