Farhod Abdullaev U-20 Jahon chempionatidan o'rin olgan Mali - Frantsiya uchrashuvida ishlaydi

Ayni kunlarda Polshada 20 yoshgacha bo'lgan futbolchilar o'rtasida Jahon chempionati bo'lib o'tayotganidan xabaringiz bor.

Mazkur musobaqalarda hamyurtimiz FIFA va OFK instruktori Farhod Abdullaev ham ish olib borayotganini ma'lum qilib o'tgandik. Farhod Abdullaev bugun "E" guruhidan o'rin olgan Mali hamda Frantsiya terma jamoalari o'rtasidagi o'yinda hakam nazoratchisi sifatida ish olib boradi. O'yin Toshkent vaqti bilan soat 21:00da boshlanadi.

Mazkur juftlik o'rtasidagi uchrashuv guruh g'olibini aniqlab berishini ham ta'kidlash zarur.

U-20 JCh, "E" guruhi

Mali - Frantsiya

Bosh hakam: Said Martines (Gonduras)

Yon hakamlar: Uolter Lopes, Xelpis Felits (Gonduras)

To'rtinchi hakam: Fernando Guerrero (Meksika)

Hakam nazoratchisi: Farhod Abdullaev (O'zbekiston)