Klopp: «Tottenxem»ni chempionatda ikki marta engdik, finalda ham yutishni istaymiz»

«Liverpul» bosh murabbiyi Yurgen Klopp «Tottenxem»ga qarshi Evropa chempionlar ligasi final bahsi oldidan o'z fikrlarini bildirib o'tdi.

«Samolyotga chiqishdan oldin navbat kutib turar ekanmiz, o'yladim: «Biz barchasini to'g'ri bajarishimiz va uyga sovrin bilan qaytishimiz kerak». Oradan bir yil o'tib biz yana finaldamiz. Bunday imkoniyatni qo'ldan chiqarmasligimiz kerak.

Chempionat doirasida har ikkala o'yinda g'alaba qozondik va "Tottenxem"dan ko'proq ochko jamg'ardik. Ammo bularning barchasi hisobga o'tmaydi. Shunga qaramay, finalda ham g'alaba qozonishimizni istaymiz», – dedi germaniyalik mutaxassis.

«Liverpul» so'nggi marta 2011/2012 yilgi mavsumda sovrin qo'lga kiritgan. O'sha paytda jamoa Kenni Dalglish boshqaruvida Angliya liga kubogiga ega chiqqan. Mersisaydliklar o'tgan mavsumda EChL finaliga chiqib, «Real»ga imkoniyatni berishgandi (1:3).