«Paxtakor» 1 iyun kuniga bag'ishlab futbol turniri o'tkazadi

“Paxtakor” "Xalqaro bolalarni himoya qilish kuni"ga bag'ishlab tadbir va turnir o'tkazadi.

Ushbu bayramda barcha kattalar o'zlarining asosiy mas'uliyati - bolalarni asrashni yanada ko'proq his etishadi.

Etarlicha e'tibor, muhabbat va hurmat bilan har bir bola baxtli bo'lib voyaga etishi mumkin.

"Xalqaro bolalarni himoya qilish kuni"ga bag'ishlab "Paxtakor" futbol klubi ajoyib tadbir va turnir tashkil etishni mo'ljallagan. "Jar" stadionida akademiya tarbiyalanuvchilari uchun festival o'tkaziladi. Undan keyin 2004 yilda tavallud topgan 4 jamoa "Chempionlar Kubogi" musobaqasida ishtirok etishadi.

Turnirda U-15 O'zbekiston terma jamoasi, "Paxtakor", "Spartak" va "Odil Junior" jamoalari qatnashadi.

Turnir g'olibi va sovrindorlariga Kubok va diplomlar taqdim etiladi. Shuningdek, turli nominatsiyalarda eng yaxshi yosh o'yinchilarga sovg'alar topshiriladi.