Rasmiy xabar: Spaletti «Inter»ni tark etdi

“Inter” klubi bosh murabbiyi Luchano Spalletti milanliklar jamoasini tark etdi. Bu haqida klub rasmiy saytida ma'lum qilindi.

“Inter” 60 yoshli mutaxassisning kelajakdagi faoliyatiga muvaffaqiyatlar tiladi.

Eslatib o'tamiz, Spalletti “Inter”da ikki yil ishladi. Jamoa uning qo'l ostida mavsumni to'rtinchi o'rinda yakunladi va EChLga yo'llanma oldi.

Ma'lumot uchun, avvalroq, “neradzurrilar”ning yangi murabbiyi Antonio Konte bo'lishi ma'lum bo'lgandi.