Marca versiyasi bo'yicha La liganing eng yaxshi futbolchisi aniq bo'ldi

Marca nashri o'z talqini bo'yicha Ispaniya La ligasining 2018/19 yilgi mavsumining eng yaxshi futbolchisini aniqladi. Unga ko'ra, «Barselona» sardori Lionel Messi mavsumning eng yaxshi o'yinchisi deb topildi.

Argentinalik futbolchi Ispaniya chempionati doirasida 34ta o'yinda maydonga tushib, 36ta gol urdi va mavsumning eng yaxshi to'purariga aylandi. Bundan tashqari, Messi 15ta golga assistentlik qildi va bu borada «Sevilya» futbolchisi Pablo Sarabiya bilan birga etakchilik qildi.

«Barselona» esa ikkinchi o'rindagi «Atletiko»ni 11 ochko ortda qoldirgan holda chempionlikni qo'lga kiritdi.