Bundesliganing 2022 yildagi eng tezkor futbolchilari e'lon qilindi

Germaniya Bundesligasi 2022 yildagi eng tezkor futbolchilar nomini e'lon qildi.

«Bayer» futbolchisi Mussa Diabi reytingda etakchi bo'ldi. Uning eng yuqori tezligi 36,5 km/soatni tashkil qildi. Ikkinchi pog'onani «Union» a'zosi Sheraldo Bekker band etdi. Uning tezligi peshqadamdan biroz pastroq bo'ldi — 36,4 km/soat.

Yozda «Borussiya Dortmund»dan «Manchester Siti»ga o'tgan Erling Xoland esa uchinchi pog'onani band etdi. Uning maksimal tezligi 36,3 km/soatga etgan.

To'rtinchi va beshinchi pog'onalarni Natan Ngumou («Borussiya Menxengladbax», 36,2 km/soat) va Jeremi Frimpong («Bayer», 36,1 km/soat) egallashdi.