"Manchester Yunayted" Germaniyadan o'yinchi xarid qilishga yaqin turibdi

"Manchester Yunayted" "Bayer" himoyachisi Jeremi Frimpongni sotib olishga yaqin turibdi, deb xabar beradi GivemeSport.

Manbaga ko'ra, "qizil iblislar" 22 yoshli niderlandiyalik uchun asosiy da'vogar, transfer yanvar oyida amalga oshishi mumkin. Futbolchiga "Vest Xem" ham qiziqmoqda.

"Bayer" futbolchi bilan 26 million evroga xayrlashishga tayyor.

Frimpong 2021 yilning yanvaridan buyon Leverkuzen safida to'p suradi va joriy mavsumda jamoa safida 21 o'yinda 5 ta gol urdi va 3 ta golli uzatmani amalga oshirdi. Transfermarkt.com portali himoyachining narxini 25 million evroga baholamoqda.

Niderlandiyalik futbolchi "Manchester Siti" tarbiyalanuvchisi bo'lib, 2010 yildan 2019 yilgacha ushbu klub akademiyasida bo'lgan.