Valverde: "Barselona" yaxshi formada emas, ammo "Selta"ni muammosiz yutdik"

"Barselona" bosh murabbiyi Ernesto Valverde Ispaniya chempionatining 17-turida "Selta" ustidan qozonilgan g'alabaga (2:0) sharh berdi.

"Bu o'yin menga "Vilyarreal" bilan uchrashuvni slatib yubordi. Raqib birinchi bo'limda bizni maydon markazida bo'sh hududdan mahrum qilishga urindi, ammo biz muammosi himoyachilardan to'pni olib o'ta bildik. Ikkinchi bo'limda bizni uzoq masofaga oshirgan to'plarimiz manziliga aniq etib boravermadi, ammo biz muammosiz o'ynay oldik va yaxshi himoyalandik.

Hozir juda yaxshi formada emasmiz. Eng yuqori cho'qqmiz "Real", "Inter" va "Tottenhem" bilan o'yinlarda bo'ldi. Umuman olganda bizda hammasi yaxshi va oldinga harakatda davqom etyapmiz", - deydi Valverde.

"Barselona" 37 ochko bilan Ispaniya chempionatida yaqqol etakchi bo'lib oldi.