«Inter» yaqin kunlarda yangi murabbiy nomini e'lon qiladi

“Inter” ushbu hafta Antonio Konteni bosh murabbiy vazifasiga tayinlaydi. 

Agarda milanliklar Luchano Spalleti bilan xayrlashishga ulgursa, italiyalik mutaxassisning taqdimot marosimi chorshanba kuni ro'y berishi mumkin. 

Konte “Inter” bilan 3 yillik shartnoma tuzadi, uning maoshi esa yilliga 12 mln evroni tashkil qiladi. 

Shanba kuni Konte “neradzurrilar” rahbariyati bilan chempionlar ligasi finalini tomosha qilish uchun Madridga boradi. 

Yaqin hafta ichida esa u “Inter”ning xo'jayini bilan uchrashish uchun Xitoyga boradi.