Ulug'bek Baqoev: «Chempionatdagi tanaffusga yaxshi kayfiyatda yo'l olyapmiz»

“So'g'diyona” – “Buxoro” uchrashuvidan so'ng mezbonlar ustozi Ulug'bek Baqoev quyidagicha fikr bildirib o'tdi: 

- “Buxoro” jamoasining ayni vaqtda musobaqa jadvalida egallab turgan o'rnini inobatga olgan holda ularning bugungi bahsga juda jiddiy e'tibor bilan tayyorgarlik ko'rishini va shu sababdan uchrashuv murakkab kechishini bilar edik. Aynan shu jihatdan biroz havotirim bor edi. Lekin yigitlar bugun raqibdan ustun ekanliklarini namoyish eta olishdi. Ulardan minnatdorman.  Shogirdlarim maydonda bor kuch-g'ayratlarini ishga solgan holda harakat qilishdi. Mana bugun g'alaba qozongan holda chempionatdagi tanaffusga yaxshi kayfiyatda yo'l olyapmiz, - dedi mutaxassis.