Turkiya O'zbekistonga qarshi kengaytirilgan tarkibni e'lon qildi

2 iyun kuni O'zbekiston milliy terma jamoasi Turkiyaga qarshi o'rtoqlik o'yinida maydonga tushadi...

Avval xabar berganimizdek, 2 iyun kuni O'zbekiston milliy terma jamoasi Turkiyaga qarshi o'rtoqlik o'yinida maydonga tushadi.  

Turkiya terma jamoasi bosh murabbiyi Shenol Gyunesh Antalya shahrida o'tkaziladigan mazkur o'rtoqlik o'yini, shuningdek Frantsiya hamda Islandiya terma jamoalariga qarshi 2020 yilgi Evropa chempionati saralash bahslariga chaqirilgan 33 nafar futbolchi ro'yxatini e'lon qildi.

Turklar 30 may kuni Gretsiya, 2 iyun kuni Ektor Kuper boshchiligidagi O'zbekiston terma jamoalariga qarshi o'rtoqlik o'yinlarida maydonga tushadi.

Mazkur uchrashuvlar orqali Shenol Gyunesh shogirdlari Evro-2020 saralashi doirasida Frantsiya va Islandiyaga qarshi bo'ladigan muhim o'yinlarga hozirlik ko'rishadi.   E'tiborlisi, Gyunesh bo'lajak o'yinlarga Turkiya futbolining faxri, 2002 yilgi jahon chempionati sovrindori Emre Belozo'g'luni ham kiritgan. 

Turkiya terma jamoasi tarkibi:   

Darvozabonlar: Mert Gyunok (“Istanbul Bashaxshekir”), Go'khan Oqqon (“Rizespor”), Sinan Bolat (“Antverpen”, Belgiya), Chaqir Ugurchan (“Trabzonspor”);   

Himoyachilar: Mehmed Choliq (“Lill”, Frantsiya), Nozim Sangere (“Antalyaspor”), O'zan Muhammad (“Shtutgart”, Germaniya), Chaglar Suyunchi (“Lester”, Angliya), Kaan Oyxon (“Fortuna”, Germaniya), Merix Demirel (“Sassuolo”, Italiya), Chengiz Meraz (“Bursaspor”), Emre Tashdemir (“Galatasaroy”), Hasan Ali Kaldimir (“Fenerbaxche”);   

Yarim himoyachilar: Abdulqodir O'mur (“Trabzonspor”), Chengiz Under (“Roma”, Italiya), Deniz Turuch (“Kayserispor”), Takuz Daruxan (“Beshiktosh”), Efejan Karaja (“Alanyaspor”), Emre Belozo'g'lu (“Istanbul Bashaxshekir”), Irfan Qahvechi (“Istanbul Bashaxshekir”), Mahmud Takdemir (“Istanbul Bashaxshekir”), O'g'uzxon O'zyakup (“Beshiktosh”), Okay Yokushli (“Selta”, Ispaniya), Ozan To'fon (“Alanyaspor”), Yunus Mali (“Volfsburg”, Germaniya), Yusuf Yazichi (“Trabzonspor”), Hoqon Cholxono'g'lu (“Milan”, Italiya), Umar Shahiner (“Kunyaspor”);   

Hujumchilar: Burak Yilmaz (“Beshiktosh”), Chenk To'sun (“Everton”, Angliya), Enes Unal (“Valyadolid”, Ispaniya), Guven Yolchin (“Beshiktosh”), Kenan Karaman (“Fortuna”, Germaniya).  Biroq, Ektor Kuper milliy terma jamoamizning FIFA kunlarida bo'ladigan o'rtoqlik o'yinlariga jalb etilgan futbolchilari ro'yxatini e'lon qilgani yo'q. Ehtimol argentinalik mutaxassis mamlakat superligasining 10-tur o'yinlarida qaysidir futbolchining yarq etib porlashidan umidvormikan...