"Milan" Leauga o'zi so'ragan maoshni bermoqchi

"Milan" klubi vinger Rafael Leauning yangi shartnoma bo'yicha talablarini qondirishga tayyor, deb xabar beradi La Gazette Dello Sport.

Italiya klubi 23 yoshli portugaliyalik futbolchiga yiliga 7 million evro maosh to'lashga qarshi emas.

Leauning amaldagi shartnomasi 2024 yilda yakuniga etadi. Transfermarkt vingerni 85 mln evroga baholamoqda.

Joriy mavsumda Leau "Milan" va Portugaliya terma jamoasi uchun o'yinlarda 9 ta gol urdi va 10 ta golli uzatmani amalga oshirdi.