Saka: "Meni Mbappe bilan solishtirishlari yoqimli"

Bukayo Saka Kilian Mbappe bilan solishtirilgani haqida fikr bildirdi.

“Maqtov uchun rahmat. Lekin yo'q, faqat bitta Kilian Mbappe bor. Xuddi men kabi bitta futbolchi borligi singari. Men shunchaki o'zim bo'lishni va jamoaga yordam berish uchun qo'limdan kelganini qilishni xohlayman.

Bu jahon chempionatida yaxshi yosh futbolchilar ko'p, ko'pchilikni nomlashim mumkin. Ular hatto bizning jamoamizda ham ko'p - masalan, Jud Bellingem kabi. Ammo bizning ustuvor vazifamiz turnirning asosiy kashfiyotlari nomini emas, balki g'oliblikni qo'lga kiritishdir”, - dedi “Arsenal” va Angliya terma jamoasi yarim himoyachisi.

Ayni damda Kilian Mbappe beshta gol bilan JCh-2022 to'purari bo'lib turibdi. Saka hisobida uchta gol bor.

Angliya terma jamoasi JCh-2022 chorak finalida Frantsiyaga qarshi maydonga tushadi. Uchrashuv 10 dekabr, shanba kuni bo'lib o'tadi.