Shaxmat. Abdusattorov blitsda 9-o'rinni egalladi

Hindistonning Kalkutta shahrida shaxmat bo'yicha «Tata Steel Chess India 2022» xalqaro turnirining blits yo'nalishi yakuniga etdi.

Kecha musobaqaning navbatdagi 9ta tur bahslari o'tkazildi. Dastlabki 9ta o'yindan keyin bor-yo'g'i 2 ochko to'plab turgan Nodirbek Abdusattorov kechagi bahslarni nisbatan yaxshi o'tkazdi. Hamyurtimiz 3ta o'yinda g'alaba qozongan bo'lsa, 5ta bahsda durang o'ynadi va faqat bir marta yutqazdi. Natijada Nodirbek kecha 5,5 ochko to'pladi va uning jami ochkolari 7,5taga etdi.

Oqibatda Abdusattorov so'nggi pog'onani tark etib, turnirni 9-pog'onada yakunladi.

Blits yo'nalishida hindistonlik Arjun Erigaisi g'olib chiqdi (12,5 ochko). Ikkinchi o'rinni Xiraku Nakamura egallagan bo'lsa (11,5), uchinchi o'rin Shahriyor Mamedyarovga nasib etdi (9,5 ochko).