Ushbu ko'rsatkich bo'yicha Jamol Musialaga etadigani yo'q

Germaniya terma jamoasi yarim himoyachisi Jamol Musiala Qatarda jahon chempionatida aldab o'tishlari bo'yicha yaqqol etakchi bo'lib turibdi. U guruh bosqichining 3ta o'yinida raqiblarini 19 marta muvaffaqiyatli aldab o'ta oldi.

Bu borada ikkinchi natija kanadalik Alfonso Devisga tegishli — 11ta. Ganalik Muhammad Quddus raqiblarini 10 marta aldab o'tgan bo'lsa, argentinalik Anxel Di Mariya 9 marta bu ishni muvaffaqiyatli amalga oshirgan.

Shuningdek, Kilian Mbappe, Lionel Messi va Ismaila Sarr 8 martadan raqiblarni aldab o'tishgan.