Ronaldu guruh bosqichida bitta ham to'liq o'yin o'tkazmadi

Krishtianu Ronaldu 2022 yilgi jahon chempionatida hali to'liq o'yin o'tkazgani yo'q.

Portugaliya terma jamoasi bosh murabbiyi Fernandu Santush Janubiy Koreyaga qarshi 3-tur uchrashuvining 65-daqiqasida 37 yoshli hujumchini almashtirdi.

Turnirdagi oldingi ikki uchrashuvda ham Ronaldu almashtirilgandi.

Gana bilan bo'lgan birinchi o'yinda (3:2) almashtirish 88-daqiqada, Urugvayga qarshi o'yinda (2:0) esa 82-daqiqada amalga oshirildi.

Ronaldu JCh-2022 guruh bosqichida uchta o'yinda bitta - penaltidan gol urdi.