Tennis: Nigina Abduraimova ITF W60 turnirida sovrindor bo'ldi

Joriy yil 14-20 noyabr kunlari Slovakiyaning Bratislava shahrida tennis bo'yicha ITF W60 turniri o'tkazildi.

Ushbu musobaqada hamyurtimiz Nigina Abduraimova ham muvaffaqiyatli ishtirok etdi. Finalda tennischimiz xorvatiyalik Ana Konyuxga qarshi kortga chiqdi. 3 set davom etgan bahsda Nigina reytingda o'zidan yuqorida turgan raqibasiga 6/2, 0/6, 6/7(2) hisobida imkoniyatni boy berib qo'ydi.

Shu tariqa, sovrin jamg'armasi 60 ming dollarni tashkil etuvchi ushbu turnirda Nigina Abduraimova 2-o'rinni qo'lga kiritdi.