Argentinaning JCh uchun qaydnomasida o'zgarish bo'lishi mumkin
/ Kiritdi: BestMaster Ko'rilgan: 53
Argentina terma jamoasi bosh murabbiyi Lionel Skaloni JCh-2022 uchun terma jamoaning yakuniy tarkibida o'zgarishlar bo'lishi mumkinligini aytdi.
16 noyabr, chorshanba kuni argentinaliklar o'rtoqlik uchrashuvida Birlashgan Arab Amirliklarini mag'lub etishdi (5:0).
"26 nafar futbolchidan iborat ro'yxat o'zgarishi ehtimoli bor. Ko'raylikchi. Bizda 100 foiz tayyor bo'lmagan futbolchilar bor. Biz ehtiyot bo'lishni va ular qanday rivojlanayotganini ko'rishni istaymiz", - dedi Skaloni Diario Sport nashriga.
JCh-2022 Qatarda 20 noyabrdan 18 dekabrga qadar bo'lib o'tadi. Argentina terma jamoasi guruhda Saudiya Arabistoni, Meksika va Polsha bilan o'ynaydi. Birinchi o'yinda argentinaliklar 22 noyabr kuni (Toshkent vaqti bilan 15:00) saudiyaliklar bilan to'qnash kelishadi.