Dragan Cheran ketma-ket to'rt bor to'purar bo'lgan birinchi futbolchi

"Paxtakor"ning serbiyalik legioneri Dragan Cheran O'zbekiston chempionati rekordlarini o'rnatishda davom etmoqda.

U ketma-ket va umuman to'rt mavsum to'purarlikka erishgan birinchi o'yinchiga aylandi. Shu tariqa Cheran bu borada ham rekord natija qayd etdi.

"Paxtakor" tarkibida Dragan Superligada hozircha 114 o'yinda 83 gol muallifiga aylandi. Jamoa uchun urgan jami gollari soni 103taga etdi. O'zbekiston chempionatida esa Cheran jami 117 gol muallifiga aylanib ulgurdi.