Frantsiyada mavsum qahramonlari aniq bo'ldi

Frantsiya chempionatining ushbu mavsumida turli pozitsiyalar bo'yicha eng yaxshilar aniqlandi.

Frantsiya futbolchilar kasaba uyushmasi (UNFP) versiyasiga ko'ra, «PSJ» hujumchisi Kilian Mbappe Liga 1ning eng yaxshi futbolchisi deb topildi. Shuningdek, u eng yaxshi yosh o'yinchi sovriniga ham ega chiqdi.

20 yoshli Kilian Frantsiya chempionati doirasida 28ta o'yinda maydonga tushib, 32ta gol urdi va 7ta golga uzatma berdi.

«Lill» ustozi Kristof Galte mavsumning eng yaxshi murabbiyi deb topildi.

Boshqa sovrindorlar va ramziy terma jamoasi bilan tanishtirib o'tamiz:

Eng yaxshi darvozabon: Mayk Menyan («Lill»).

Eng yaxshi gol muallifi: Loik Remi («Lill»).

Ramziy terma jamoa:
Mayk Menyan («Lill») – Kenni Lala («Strasbur»), Markinos, Tiago Silva (ikkisi – «PSJ»), Ferlan Mendi («Lion») – Marko Verratti («PSJ»), Tangi Ndombele («Lion»), Anxel Di Mariya – Kilian Mbappe, Neymar (barchasi – «PSJ»), Nikolya Pepe («Lill»).

Eng yaxshi murabbiy: Kristof Galte («Lill»).