"Tottenxem" prezidenti Konteni transfer bozorida qo'llab-quvvatlamoqchi

Antonio Konte katta muammolarni hal qilish uchun "Tottenxem" transfer bozorida faol ishlashi kerakligini bir necha bor ta'kidlagan. Shu bilan birga, "shporlar" odatda transfer masalasida kamtarona yondashadi, ayniqsa Premer-liganing boshqa top-klublariga nisbatan.

"Tottenxem" prezidenti Daniel Levi yanvar oyi transfer bozorida Antonio Konteni qo'llab-quvvatlamoqchi, deya xabar bermoqda Football Insider. Go'yoki, xo'jayin o'yinchilarni sotib olish uchun katta xarajatlar uchun yashil chiroq yoqdi.

Eslatib o'tamiz, Antonio Kontening "Tottenxem" bilan amaldagi shartnomasi joriy mavsum oxirigacha hisoblangan. Klub italiyalik mutaxassisni saqlab qolmoqchi va transfer bozoridagi harakat murabbiyning jamoada qolishiga yordam berishi mumkin.