Nodirbek Abdusattorov «Fischer-2022» turnirini 4-o'rinda yakunladi

Islandiya poytaxti Reykyavik shahrida bo'lib    o'tgan «Fischer Random World Chempionship-2022» turnirining asosiy kechasida «aql gimnastikasi» ustalari muxlislarga hayajonli onlar taqdim etishdi.

3-o'rin uchun hamyurtimiz Nodirbek Abdusattorov klassik shaxmatning amaldagi chempioni norvegiyalik Magnus Karlsenga qarshi dona surdi. 1-bahsda vaqt hisobida g'alabani boy berayotgan Nodirbek, o'yin tugashiga 5 soniya  qolgan vaziyatda sensatsion taktik yurish qilib, Karlsenni shov-shuvli tarzda taslim etdi.

Afsuski, qolgan 3 ta partiyada mag'lubiyatga uchragan Nodirbek Abdusattorov turnirni 4-o'rinda yakunladi. Mazkur o'rin uchun Abdusattorov 40 ming AQSh dollarini qo'lga kiritdi.

Eslatib o'tamiz, chess.com sayti ma'lumotiga ko'ra,  onlan reytingda Magnus Karlsen 2856 ochko bilan 1-o'rinda bormoqda. Avgust oyida e'lon qilingan reytingda 64- o'rinda qayd etilgan yosh grossmeyster (GM) Nodirbek Abdusattorov esa 30- oktyabr holatiga ko'ra, 2713 ochko to'plagan holda 32-o'ringa ko'tarilgan.

Chempionlik uchun kurash AQShlik Hikaru Nakamura hamda rossiyalik Yan Nepomnyashiy o'rtasida murosasiz o'tdi. Asosiy 4 ta partiya 2:2 hisobida durang bilan tugadi. 15 daqiqalik ekstrataymda AQSh vakili Hikaru Nakamura g'alaba qozonib, umumiy mukofot jamg'armasi 400 000 dollari bo'lgan «Fischer Random World Chempionship-2022» turnirining g'olibi bo'ldi. Nepomnyashiy chempionlik uchun 150 ming dollarni qo'lga kiritdi.

Rahmiddin Shermatov
31-oktyabr, Tegu, Janubiy Koreya