Prevyu. «Andijon» - «Paxtakor»

Superliga 9-turida "Paxtakor" Andijonda "Andijon" mehmoni bo'ladi.

Jamoalar chempionatlar doirasida 46 bellashuvda maydonga tushishgan. "Sherlar" 34 o'yinda zafar quchishgan, 8 bahsda durang qayd etilgan va 4 marta raqib kuchliroq kelgan. O'zaro o'yinlarda 112 gol urgan "Paxtakor" 34 to'p o'tkazib yuborgan. Safardagi bellashuvlarda jamoamiz 14 g'alaba, 5 durang hamda 4 mag'lubiyatni qayd etgan.

Har ikki jamoa safida diskvalifikatsiya bilan bog'liq yo'qotishlar mavjud emas. "Paxtakor"dan Sadriddin Abdullaev va Javohir Sidiqov jarohat tufayli o'yinni o'tkazib yuborishadi.

"Andijon" va "Paxtakor" jamoalari o'rtasidagi uchrashuv 16 may, payshanba kuni Andijondagi "Sog'lom avlod" stadionida soat 18:30da boshlanadi.