De Rossi: "Roma"da o'ynamoqchi edim, klub buni xohlamadi"

"Roma" sardori Daniele De Rossi mavsum yakunlangach jamoadagi faoliyatini tugatishi haqida fikr bildirdi.

«Hammasini kecha bildim. Men bu erda yana bir-ikki yil o'ynay olardim, men shunday qarorga kelgandim ham. Faoliyatim haqida o'zim qaror chiqarishim kerak. Lekin hech kim mendan so'rab o'tirmadi. Hech qanday jarohatim yo'q, yaxshi o'ynayapman, klubning o'rnida bo'lganimda o'zim bilan shartnomani uzaytirgan bo'lardim. Endi esa yangi jamoa qidirishim kerak. Bu men uchun g'alati holat, mutlaqo yangi jarayon.

Qarorni klub chiqardi, men emas. Men bu erda o'ynashda davom etmoqchi edim, lekin klub buni xohlamadi», — dedi De Rossi.

Ma'lumot uchun, De Rossi 2002 yildan beri "Roma" sharafini himoya qilib kelmoqda. 17 yillik faoliyati davomida u "bo'rilar" bilan ikkita Italiya kubogi va bitta mamlakat superkubogiga ega chiqdi.