«Liverpul» futbolchilari qancha maosh olishadi?!

"Liverpul" futbolchilarining maoshi borasida ko'pchilikda har-xil savollar paydo bo'layotgan edi. Bugun shu mavzuga qisqacha to'xtalib o'tamiz!

Alisson Bekker

Braziliyalik darvozabon uchun klub «Roma»ga 62 500 000 evro to'lagan va ajoyib darvozabonni qo'lga kiritgan edi. Hozirda uning maoshi haftasiga 135 000 evroni tashkil etadi. Bu yiliga 7 000 000 evro degani!

Trend Aleksandr Arnold

Yosh bo'lishiga qaramasdan klubning asosiy tarkibiga kirishga muvaffaq bo'lgan futbolchi 6 yildan beri «Liverpul» akademiyasida tahsil olibb so'ng asosiy tarkibga qo'shildi. Uning o'yinlari ko'plab mutaxassislarda katta qiziqsh uyg'otmoqda. Uning haftalik maoshi 56 500 evro bo'libb bu yiliga 3 000 000 degani!

Robertson

2017-yilda 9 000 000 evroga harid qilingan futbolchi jarohatlangan Alberto Morenoning o'rnini egallashi kerak edi. Buni qarangki, shotlandiyalik futbolchi Morenoni asosiy tarkibdan siqib chiqardi va jamoaning ajralmas bo'lagiga aylandi! Klopp Robertsonning maoshini jamoadoshi Trendniki bilan bir xil ko'rinishida bo'lishini talab qilgan ekan. U bu ishi bilan ikki yigitchaning o'zaro aloqalarini mustahkamlashini ko'zlagan bo'lsa, ajab emas!

Deyan Lovren, Joel Matip

Xorvatiyalik himoyachi 4 yildan beri klub sharafini himyoa qilib kelmoqda. U «Liverpul» safida 150 dan oshiqroq uchrashuvlarda ishtirok etishga ulgurdi. Lovren «Liverpul»da haftasiga 101 000 evro maosh oladi. Uning yillik daromadi esa 5 300 000 evroni tashkil etmoqda!

Virjil Van Deyk

Dunyoning eng qimmat himoyachisi sanaladigan Virjil bu mavsumni fantastik darajada o'tkazmoqda! Uning uchun «Liverpul» 85 000 000 evrodan voz kechgani ko'pchilikning yodida bo'lsa kerak. Gollandiyalik futbolchi klubda eng ko'p maosh oluvchilar orasida 3- pog'onani zabt etgan va uning haftalik maoshi 169 000 evro bo'lib, bu yiliga 8 800 000 evro degani! Uning ko'rsatayotgan o'yini bundan ham ko'prog'iga loyiq desak, adashmagan bo'lamiz.

Sherdan Shakiri, Jorjino Veynaldum

Kloppning zahiradigi Joker kartasi sanaladigan futbolchi uchun «Liverpul» «Stok Siti» uchun 15 000 000 evro to'ladi va futbolchini o'z safiga qo'shib oldi! Bir qarashda mantiqsiz ko'ringan harid o'zini oqladi va Shakiri tobora  klubda o'z o'rniga ega bo'lib bormoqda! Uning maoshi haftasiga 101 500 ming va bu yiliga 5 000 000 evro degani!

Jordan Henderson, Fabino

Jamoa sardori boshqa klublardagi sardorlarga nisbatan anchagina kamtarona maosh olishidan xabaringiz bo'lmasa kerak. Uning yillik maoshi 6 000 000 evro bo'lib, qahramonimiz haftasiga 113 000 evro maoshni qo'lga kiritadi.

Sadio Mane

Senegal terma jamaosi hujumchisining maoshi uning maydondagi foydasi bilan solishtirganda juda past to'lanadigandek ko'rinishi mumkin. Uning haftalik daromadi 101 000 evroni tashkil etadi. Yiliga 5 300 000 evroni qo'lga kiritadigan futbolchi ko'plab hamkasblarining so'zlariga parvo qilmagancha, o'z maoshidan rozi bo'lib to'p surmoqda. Uning transfermarketdagi narxi 100 millionga yaqinlashib qolganini hisobga olsak, bu maosh juda va juda kamdek tuyulaveradi. Sababi, uning jamoadoshi Daniel Staridj yiliga 7 000 000 evroni maydonga tushmasa ham qo'lga kiritmoqda!

Roberto Firmino

Braziliyalik futbolchi klub safiga bundan 4 yil ilgari 41 million evro evaziga o'tgan edi. O'tgan vaqt mobaynida klubda o'z o'rnini topib olgan futbolchining maoshi 203 000 evro bo'lib, yiliga 10 500 ming evroni tashkil qilmoqda. Firmino bu maoshni qo'lidan kelgancha oqlashga harakat qilmoqda.

Muhammad Salah

«Liverpul»ning bosh yulduzi «Roma»dan 42 million evroga harid qilingan bo'lsa, hozirda u 150 million atrofida baholanmoqda. Uning maoshi ham o'z imidji singari klubda eng balandi hisoblanadi. U bir yilda 12 000 000 evro ishlab topadi. Haftalik maoshi esa, 226 000 evro bo'lib, futbolchi bu pulni ortig'i bilan halollab olmoqda desak, adashmagan bo'lamiz!