«Atletiko» anig'ini bilmoqchi: Grizmann «Barselona»ga o'tishni istaydimi?

«Atletiko» rahbariyati hujumchi Antuan Grizmanning rejalarini bilishni istamoqda. Bu haqda Cadena Ser nashri xabar tarqatdi.

Futbolchiga yaqin manbalarning xabar tarqatishicha, Antuan faoliyatini «Barselona»da davom ettirishni istamoqda.

Ushbu haftada klub direktorlar kengashi hujumchi bilan uchrashuv tashkil qiladi. Unda Grizmann o'z maqsadini ochiq-oydin izhor qilishini kutishmoqda.

Grizmann ushbu mavsumda «Atletiko» safida 47ta o'yinda maydonga tushib, 21ta gol urdi va 10ta golga uzatma berdi. Uning madridliklar bilan shartnomasi 2023 yilga qadar tuzilgan.