A PRO-Liga. «Iftixor» - «Mash'al» uchrashuvi Farg'onada o'tkaziladi

Xabaringiz bor A PRO-Liga jamoalari 6-tur uchrashuvlarini 15-may, chorshanba kuni o'tkazishadi.

Musobaqa taqvimiga ko'ra, O'zbekiston Yoshlar Ittifoqi vasiyligidagi "Iftixor" jamoasi Muborakning "Mash'al" klubini o'z maydonida qabul qiladi. "Iftixor" jamoasining uy o'yinlari o'tkaziladigan Oltiariq "Markaziy" o'yingohida ta'mirlash ishlari olib borilayotganligi tufayli 6-turdan o'rin olgan mazkur uchrashuv Farg'ona davlat universiteti o'yingohida o'tkazilishi rejalashtirilmoqda.

E'tiborlisi shu kuni "Neftchi" o'z maydonida "Sherdor"ni qabul qilishini hisobga olsak, futbol muxlislari uchun "qulaylik" yaratib kelayotgan musobaqa taqvimiga ko'ra, Farg'ona shahrida bir vaqtning o'zida ikkita uchrashuv o'tkaziladi.